Tanyo Samo Pokok .. Apo Sobab Goyang

Peratikan lirik eh .. lagu eh sodap kek tingo, lirik eh amek sinis..tekono dek eh
O0o..Layannnnnzzzz..o0O

Ponah tak tepikir kek utak kito eh apo sobab eh .. ramai yang indak paham .. takpo do .. bak kato Jon Meketer (arwah atok sobut macam tuu .. nak buek camano) "Satu hari nanti ekau akan topanggey juo". Capo deh yang manggey .. nilah nak ceghito an. 

Ado satu kisah, kito ni manusio akan topanggey tigo kali oleh Allah Azzawajalla. Petamo bilo dilaung eh 'Azan' .. buek tak? Keduo dipanggey eh naik haji .. kan slalu kito nyanyi "Panggilan haji eee menjelma kini.." Ketigo time kito nak jadi bukan urang dah .. kono yo panggey, Innalillahi...

Tapi .. bagi Eseylah kan .. slalu naa kita ditogo tapi kito tak perasan. Cayo tak? Mano tak eh .. kito lali ngan apo ajo yang ado dopan mato manusio ni. Apo ajo yang ado dopan mato hati takdo do kito nampak .. yo tak? 

Ponah tak kito temonung pikir sokileh atau pon toghamang tanyo pado diri sendiri "Hai mamBang apo nak jadi ekau ni.." Ponah tak kito mandang cormin pehtu tanyo "Ekau buek apo kek sini?" Haa tuu laa deh .. mato hati memandang telingo batin mendonga .. capo deh yang panggey? Nih Esey nak bagi clue bukan glue (gam) doh. Ini bukan soalan yo. Ini statement .. Who R U..

Topuk dado tanyo hati .. takyah nak melantak yo. Ekau nak nyahut ko takmau ekau yo yang tau. Kalu dah dapek tu .. buek jolaa .. sonang idup ni nanti .. idup kek sinanlaa bukan eh kek siko .. Di siko kojap juo tak lamo doh .. sinan laie lamak eh takdo ponghujung doh ..

Urang Nismilan suko kato Pokok Dek Kaulah .. yo osah eh boto pulak tu kan kan kan topulang pado diri sendiri nak ikut ko takmau.