Ramai
tau nyobut jo. Ado juo tak tau langsung, laie toruk. Kalu tau tu baguslah, tapi
sokadar tau jo tak yo cukup kerano tak longkap iman eh tu. Jadi nak torangan saketek
pasal Tauhid yo. Sebolun tu topuk dado tanyo hati faham tak nih.
Kito
lihat apo Tauhid ni dulu yo. Kalimat Tauhid berasal dari kato ‘Wahhada’ komudian
diubah jadi Tauhid. Dari sogi bahaso bomaksud meng’Esa’ an Tuhan, yakni meng’Esa’
an Allah s.w.t. Adopun dari sogi istilah, Tauhid tulah ‘Suatu cabang Ilmu
Pengetahuan yang membahaskan masalah yang berhubungan dengan wujudnya Tuhan."
Jadi, Tauhid tu suatu sikap rohaniah yang mesti memancar dan tolihat dalam
seluruh aspek kohidupan manusio, samo ado berupo zahiriah maupun batiniah. Paling
sonang nak tau apo tu Tauhid? Suatu aqidah pogangan mantap tidak men’Syirik’ an
Tuhan. Tu jo.
Macam caro ado nak belaja Tauhid
ni macam caro pembahagian dibuek. Ado kato kono belaja caro salafiah, caro
Qalam, caro Usuludin, caro Sifat. Apopun caro eh, yang satu tak buleh
menyalahkan yang lain sobab eh mano satu pon yang ekau guno untuk meng’Esa’ an
Tuhan. Meng’Esa’ an Allah. Tepulang pado diri sendiri nak guno mano satu. Mano
yang sonanglah ekau faham yo. Jangan pulak ado dalam hati caro dio salah sobab
tak samo caro belajar ngan caro kito. Jago dalam Tauhid ni jangan di bawak an
perasaan sombong, riak tuu yo. Peratikan boto² kalimah Tauhid kek bawah ni yo ..
